भांगरभूंय | प्रतिनिधी
खबरां संस्था
गॉलः दोन टॅस्टींचे माळेंतल्या पयले टॅस्ट मॅचींत पाकिस्तानान श्रीलंकेक 4 विकेटींनी हारयलें. मॅचीच्या चवथ्या दिसा श्रीलंकेचो दुसरो डाव 279 धांवड्यांत सोपलो आनी पाकिस्तानाक जैता खातीर 131 धांवड्याचे लक्ष्य मेळ्ळें. पाकिस्तानान 6 विकेटी वोगडान तें हातासलें.
दुसरी मॅच 24 जुलयच्यान कोलंबोंत जातली. पाकिस्तानाच्या सउद शकीलान पयल्या डावांत नाबोद दोट्टी शेंकडो केलो. दुसऱ्या डावांत ताणे 30 धांवड्यांचे योगदान दिलें. तो प्लेयर ऑफ दी मॅच थारलो. पाकिस्तानान पांचव्या दिसा 3 आवट 48 धांवड्या वयल्यान आपलो दुसरो डाव फुडें सुरू केलो. तांकां जैता खातीर 83 धांवड्यांची गरज आशिल्ली आनी तांचे कडेन सात विकेटी आशिल्ल्यो.
पांचव्या दिसा दुसऱ्या डावांत कॅप्टन बाबर आझम 24 धांवड्यो करून प्रभात जयसूर्याक आपली विकेट दिवंन पॅव्हेलियनांत आयलो. तांच्या इमाम उल हकान (50) अर्द शेंकड्याची म्हत्वाची खेळी केली. प्रभात जयसूर्यान 4 आनी रमेश मेंडिसान एक विकेट घेतली.
—————————-
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
