भांगरभूंय | प्रतिनिधी
सोमारा सांजेच्या 5 वरांचेर जाहीर
भांगरभूंय । प्रतिनिधी
पणजी : गोंय शालांत मंडळान आयोजीत केल्ले धावेचे परिक्षेचो निकाल सोमारा 7 एप्रीलाक सांजेच्या 5 वरांचेर जाहीर जातलो. निकाल मंडळाचे अधिकृत वॅबसायटीचेर अपलोड करतले. विद्यार्थ्यांनी मंडळाचे www.gbshse.in आनी http://results.gbshsegoa.net/#/ हे वॅबसायटीर वचीन आपलो निकाल पळोवचो.
गोंय शालांत मंडळान 1 ते 21 मार्च मेरेन गोंयांत धावीची परिक्षा घेतिल्ली. ही परिक्षा गोंयभरांतल्या 32 अदीक 4 (उर्दू माध्यम) परिक्षा केंद्रांचेर घेतिल्ली. अंदूं 18,838 विद्यार्थी परिक्षेक बशिल्ले. तातूंत 9,280 चलयो आनी 9,558 चल्यांचो आस्पाव आशिल्लो.
पोरूंचो विचार केलो जाल्यार धावीचे परिक्षेक 18,914 विद्यार्थ्यांनी परिक्षा दिल्ली. तातूंतले 17,473 विद्यार्थी पास जाल्ले. हो निकाल 92.38 टक्के लागिल्लो. निकालपत्र वितरणाची तारीख बेगिनूच जाहीर करतले. गोंय शालान्त मंडळाच्या इतिहासांत पयलेच खेपे परिक्षा सोंपून 15 दिसांनी निकाल जाहीर जातलो. गोंय शालान्त मंडळान मुल्यांकन केंद्रां वाडयिल्ल्यान तशेंच मुल्यांकनां मजगतीं परिक्षक आनी शाळां कडल्यान मेळिल्लो बरो प्रतिसाद आनी आदाराक लागून हें शक्य जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
