पयलें खाजगी यान चंद्राच्या दक्षीण ध्रुवाचेर देंवलें: अमेरिकन कंपनीन रचलो इतिहास
भांगरभूंय | प्रतिनिधी
न्यूयाॅर्क, खबरां संस्था: अमेरिकेची खाजगी कंपनी इंट्यूटिव्ह मशिन्सचें लँडर ओडिसियस चंद्राच्या दक्षीण ध्रुवाचेर देंवलें. नासान दिल्ले म्हायती प्रमाण, भारतीय वेळे प्रमाण फांतोडेर ४:५३ वरांचेर हें यान देंवलें. खासगी कंपनीचें चंद्राचेर देवपी हें पयलें अंतराळ यान.
दक्षीण ध्रुवाचेर देंवपी अमेरिका हो दुसरो देश थारला. हाचे पयलीं २३ ऑगस्ट २०२३ दिसा भारताचें चांद्रयान- ३ दक्षीण ध्रुवाचेर देंविल्लें. लँडींग करचे पयलीं ओडिसियसचो नेव्हिगेशन सिस्टम इबाडलो. अशें आसूनय तें सुरक्षीत देंवलें. ‘न्यूयॉर्क टायम्स’चे खबरे प्रमाण, लँडिंगा उपरांत ओडिसियसाचे स्थिती विशीं म्हायती जाहीर करूंक ना. मात, मिशन डायरेक्टर टिम क्रेन हांणी, चंद्राच्या पृश्ठभागाचेर ओडिसियस आसा हें आमी दुबावा बगर सांगपाक शकतात.
लँडिंगा पयलीं यानाचो वेग वाडिल्लो. म्हणून ओडिसियसान चंद्राभोंवतणी फेरी मारली. एके फेरयेंत वाड जाल्ल्यान लँडिंगाच्या वेळेंत बदल जालो. हाचे पयलीं भारतीय वेळा प्रमाण फांतोडेर ४.२० वरांचेर सॉफ्ट लँडिंग जावपाचें आशिल्लें.
ओडिसियसचे लँडिंग स्पॉट चंद्राच्या सगळ्यांत म्हत्वाचो बिंदू, दक्षीण ध्रुवा पसून १८५ मैलांचेर आसा. लँडर ओडिसियस जंय देंवलां ती सुवात मलापर्ट म्हणून वळखतात. सूर्यप्रकाश हांगा पावना. हो खंदका लागसारचो सपाट जागो. मेलापार्ट हें १७ व्या शतकांतल्या बेल्जियन खगोलशास्त्रज्ञ आशिल्ले. शास्त्रज्ञांचो असो विस्वास आसा थंय उदक आसा, मात तें बर्फाच्या रुपांत आसा.
हो वाठार अशा शॉर्टलिस्टांत आसा जंय नासा आर्टेमीस मिशना खाला अंतराळवीर धाडपाचो विचार करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
