भांगरभूंय | प्रतिनिधी
उधमसिंग नगर, खबरां संस्था: कोलकाता जाल्ल्या बायल दोतोराचो बलात्कार आनी खून ही घडणूक ताजी आसतनाच आनीक एक धक्को दिवपी घडणूक मुखार आयल्या. एके नर्सीचेर बलात्कार करून तिचो खून केल्ल्या प्रकरणांत पुलिसांनी धर्मेंद्र कुमार नांवाच्या दुबाविताक अटक केल्या.
नेमकी घडणूक कितें?
पुलिसांनी दिल्ले म्हायती प्रमाण, धर्मेंद्र कुमाराक राजस्थानांतल्यान अटक केली. ३० जुलयाक एक नर्स हॉस्पिटलांतल्यान भायर सरून घरा वताली. तेन्ना धर्मेंद्रान तिचो फाटलाव करुन तिचेर बलात्कार केलो. उपरांत तिचो खून केलो. ३१ जुलयाक हे नर्सीचे भयणीन पुलिशेंत कागाळ केली. ती उत्तराखंडांतल्या उधमसिंग नगर वाठारांतल्या एका हॉस्पिटलांत काम करताली.
वरीश्ठ पुलीस अधिकारी मंजुनाथ टी. सी. हांणी सांगलें,
तिचो सोद घेवपाक पंगड तयार केले. तेन्ना आमकां कळ्ळें की हल्लो जावचे पयलीं ती एका गांवांत गेल्ली म्हणून. उपरांत सात दिसांनी आमकां हे नर्सीची कूड सांपडली. ती मैदानाचेर आशिल्ली. उपरांत ८ ऑगस्टाक ती कूड बेपत्ता आशिल्ले नर्सीची आशिल्ल्याचें समजलें.
आरोपीक केली अटक
पुलिसांनी मुखार सांगलें, आमकां ते नर्सीचो मोबायल राजस्थानांत सांपडलो. तपास केले उपरांत एक सीसीटीव्ही फुटेजूय मेळ्ळी. जातूंत आरोपी हे नर्सीचो फाटलाव करतना दिसलो. धर्मेंद्र कुमार उत्तराखंडच्या उधमसिंग नगर भागांत दिसवड्याचेर काम करतालो. ताका आमी राजस्थानांतल्यान अटक केली. हे घडणुके उपरांत तो थंय गेल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
