भांगरभूंय | प्रतिनिधी
नवी दिल्ली, खबरां संस्था: दिल्लीच्या आंबेडकरनगर भागांत घरगुती वादा उपरांत एके बायलेन तिच्या न्हिदिल्ल्या घोवाचेर खतखतिल्लें तेल ओतलें. उपरांत ताचे जखमेचेर तांबडो मिरसांगे पावडर शिंपडलो. तिच्या घोवाक आतां सफदरजंग हॉस्टिपलाच्या बर्न वाॅर्डांत दाखल केला.
पुलिसांनी दिल्ले म्हायती प्रमाण, पीडित दिनेश कुमार (28) हो ताची बायल साधना आनी भुरग्या सयत बिराडाक रावता. एके वखदांचे कंपनींत काम करता.
ताणें पुलिसांक दिल्ल्या जबाबांत सांगलां, रातीं ड्युटीवेल्यान परतल्या उपरांत तो जेवन न्हिदपाक गेलो. फांतोडेर ताचे घरकान्नीन ताचेर खतखतीत तेल ओतलें आनी घाव्यांचेर मिरसांगे पावडर शिंपडलो. म्हजें पुराय आंग लासपाक लागलें. हांवें उठून पळयल्यार बायल म्हजेर तेल ओत्ता. हांवें मजती खातीर उलो मारचे पयलीं बायलेन घाव्यांचेर मिरसांगे पावडर घालो. आवाज केलो जाल्यार तिणें आनीक तेल ओतपाची धमकी दिली. उपरांत आड्डुपाचो आवाज आयकून घरधनी आयलो आनी म्हाका हॉस्पिटलांत दाखल केलो.
पुलिसांनी गुन्यांव दाखल केला. कोणाकूच अटक करूंक ना. त्या दिसा कितें घडलें हें जाणून घेवपाक पुलीस त्या जोडप्याचे धुवेचो जबाब नोंद केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
