पयलींचीं बांंदकामांं पूर्वलक्षी पद्दतीन नियमीत करपाची तजवीज सीआरझॅड नेमांत ना

भांगरभूंय | प्रतिनिधी

राष्ट्रीय हरीत लवादान बांंदकामाच्या निवाड्यांत केलें स्पश्ट

पणजी: सीआरझॅड वाठारांत परवानो नासतना एखादें बांंदकाम केलें आनी उपरांंत ताका मान्यताय दिवची म्हूण सीआरझॅड यंंत्रणे कडेन अर्ज केलो. जाल्यार संंबंंदीत बांंदकामांंक पूर्वलक्षी (एक्स पोस्ट फॅक्टो) पद्दतीन ते नियमीत करपाची तजवीज सीआरझॅड नेमांत ना, अशें राष्ट्रीय हरीत लवादान एका निवाड्यांत स्पश्ट केलांं.

राष्ट्रीय हरीत लवादाचे न्यायालयीन वांगडी दिनेश कुमार सिंंग आनी तज्ञ वांंगडी डॉ. विजय कुलकर्णी हांणी एका निवाड्यांत ही गजाल स्पश्ट केल्या.

रायबंंदरा रावपी मदन नारायण सावंंत हांचे याचिकेचेर दिल्ल्या निवाड्यांत लवादान गजाल स्पश्ट केल्या. मदन नारायण सावंंत हांणी रायबंंदरा सीआरझॅड 2 वाठारांत घराचें बांंदकाम केल्लें. जीसीझॅडएम कडल्यान मान्यताय घेवन तांणी बांंदकाम केलें. जीसीझॅडएमए 28 जून 2007 ह्या दिसा बसका घेवन घराच्या बांंदकामाक परवानो दिवपाचो निर्णय घेतलो. हेर गरजेचे परवाने घेवन याचिकादारान घराचें बांंदकाम केलें. कुटुंंबाचो विस्तार जाले उपरांंत याचिकादारान घर वाडयतना आनीक बांंदकाम केलें. ह्या बांंदकामाचो मूळ आराखड्यांत आस्पाव नाशिल्लो. बांंदकाम वाडयले उपरांंत तांणी जीसीझॅडएमए कडेन बांंदकामाक मान्यताय दिवपा खातीर अर्ज केलो. ह्या अर्जाक मान्यताय मेळ्ळी ना आनी जीसीझॅडएमान आराखड्यांत नाशिल्लें बांंदकाम मोडपाचो आदेश दिलो. ह्या आदेशा आड मदन नारायण सावंंत हाणी हरीत लवादा मुखार याचिका घाली.

याचिकादारान बांंदकामांत बदल करून उपरांंत ताका मान्यताय दिवची म्हूण अर्ज केलो. मान्यतायेची गरज नाशिल्ली जाल्यार अर्ज केल्यो कित्याक. सीआरझॅड नेमांत पयलीं बांंदकाम केले उपरांंत ताका मान्यताय (एक्स पोस्टफॅक्टो) दिवपाची तजवीज ना. हाका लागून जीसीझॅडएमान वाडयिल्ल्या (अतिरिक्त) बांंदकामाक मान्यताय दिली ना. हाका लागून विस्तारीत बांंदकाम मोडपाचो आदेश तसोच उरतलो, असो निवाडो हरीत लवादान दिलो.

मात याचिकादाराक निवाड्याक सर्वोच्च न्यायालयांत आव्हान दिवप शक्य जावचें म्हूण बांंदकाम मोडपाच्या आदेशाक दोन म्हयन्याची स्थगिती दिल्या. याचिकादाराचे विनवणे उपरांंत ही स्थगिती दिल्या. हाका लागून विस्तारीत बांंदकाम दोन म्हयने तरी मोडपाक मेळचें ना.