भांगरभूंय | प्रतिनिधी
भांगरभूंय । खबरां मेज
पणजीः गोंय विद्यापिठाच्या मनोहर पर्रीकार म्हाशाळेच्या समाज वावर अध्यनय फांट्यान फाटल्या बुधवारा “पथनाट्य : संहिता आनी सादरीकरण” ह्या विशयाचेर एक दिसाची कार्यशाळा आयोजीत केल्ली. ताचे मार्गदर्शक म्हणून मराठी अध्यन फाट्याचे सहाय्यक प्राध्यापक डॉ हेमंत अय्या हाणे काम पळयलें.
कार्यशाळेच्या पयल्या सत्रांत वांटेकार जाल्ल्या विद्यार्थ्यांक लोक जाग्रुते खातीर पथनाट्य ह्या माध्यमाचो स्विकार ह्या विशयाचेर मार्गदर्शन केलें. ते उपरांत संहिता आनी सादरीकरणांतल्या म्हत्वाचें बाबींचेर चर्चा जाली. जेवणा उपरांतच्या सत्रांत मराठी अध्ययन फाट्यांतल्या विद्यार्थ्यांनी पथनाट्याचें सादरीकरण करून कार्यशाळेंत वांटेकार जाल्ल्या विद्यार्थ्यांकडेन मुक्त संवांद सादलो. पथनाट्या मजगतीं प्रत्यक्ष येवपी आडमेळे हे विशीं विद्यार्थ्यांक माहिती दिली. हे कार्यशाळेंत समाज वावर अध्ययन फाट्यांतली डॉ. काजल केरकार रिवणकर, डॉ. सुनील फ्रांसिस, सहाय्यक प्राध्यापक प्राची प्रभू, सहाय्यक प्राध्यापक वसुधा सावयकार हांणी वांटो घेतलो. प्रत्यक्ष पथनाट्य सादरीकरणा वेळार डॉ. प्रकाश पर्येकार, डॉ. विनय मडगांवकार कार्यावळ सुवातेर हाजीर आशिल्ले.
हे कार्यशाळेंत समाज वावर अध्ययन फाट्याचे अठरा विद्यार्थी वांटेकार जाल्ले आनी मराठी अध्ययन फाट्यांतल्या 18 विद्यार्थ्यांनी पथनाट्याचें सादरीकरण केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
