भांगरभूंय | प्रतिनिधी
पत्रभूंय
डाॅ. प्रमोद सावंत
मुख्यमंत्री,
मानादिक दोतोर,
गोंयची धूव ज्येश्ठ अभिनेत्री वर्षा उसगांवकार हांकां जीणेगौरव पुरस्कार फावो त्या वेळार दिलो. कला अकदमीत वर्षाचें नाटकाचें मुळावें शिक्षण, नाटक जाल्लें, अभिनयाचें पयलें बक्षीस नाटक सर्तींत मेळयल्लें. वर्षाचें मुळावें, माध्यमिक, म्हाविद्यालयाचें शिक्षणय पणजेतलें. वर्षा एक गुणेस्त कलाकार. गायन, नाच, नाटक शिस्तीन शिकिल्लें. महाराश्ट्रांत वचून नाटक, सिनेमातल्यान व्हड जालें. कोंकणी, मराठी, हिन्दी सिनेमातच न्हय महाभारत टि व्ही सिरीयलींतय ताणें काम केलां. वर्षान कला अकादमीची नवनिर्मणी करपा पासत सुचोवण्यो केल्या आसतल्यो. तांचोय आसपाव करुन कला अकादमीचें मंडळ घडोवन कला अकादमीत सुदारप करचें. म्हयनोभर कला अकादमी थेटर बंद दवरात. कंत्राटदाराच्या फाटल्यान लागून मुखेल थेटर सुदारात. ओपन एअर थेटर एकादरे मुखेल थेटरय जावंक शकतलें. नामना जोडिल्ले गोंयकार आर्किटेक्ट, इंजिनियर देस, विदेसांत आसात. तांचेलागीं भासाभास केल्यार जुन्ता हावस, कला अकादमीचे नवनिर्मणेची दिका दिसतली. डिसेंबर २०२५ त विश्वांतल्या गोंयकारांचें संमेलन घडोवन हाडात. गोंय अध्यात्म पर्यटनाकडेन व्हरतना संगीत, नाच, भजनाच्यो कार्यावळी पर्यटनाक जोडात.
रुपेश गांवस, गुरुदासबुवा शिरगांवकार, दामोदर शेवडे, प्रचला आमोणकार, प्रविण गांवकार, अजय वैद्य, राजेंद्र तालक तुमचेबराबर कला अकादमीच्या मंडळार आसचे. प्रिन्स जेकब, तोमाझिनबाब आनी आयरिन कार्दोज, साईश पाणंदीकार, सिद्धनाथ बुयांव मंडळांत आसचे. चित्रकार हर्षदा केरकार, निरुपा नायक, राजेश पेडणेंकार, पूर्णानंद च्यारी, राजय पवार, कमलाकर नायक, युगांक नायक हांकां बरोबर घेयात. कला अकादमी नाच, गायन, नाटकच न्हय सिने शिक्षणाचें केंद्र जावचें ही मोख दवरात.
सुहासिनी प्रभुगांवकार
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
