पत्रकारां खातीर ट्विटराची खाशेली येवजण
भांगरभूंय | प्रतिनिधी
ट्विटराचेर खबरो उजवाडायल्यार मेळटले पयशे
न्यूयाॅर्क, खबरां संस्था ः संवसारांतलो गिरेस्त मनीस एलोन मस्क हाणें एक्स (पयलींचो ट्विटर) सायट घेतले उपरांत तातूंत जायते बदल केल्यात. व्हड बदल म्हळ्यार मस्कान हालींच ट्विटराचें नांव बदलून एक्स (X) दवरलां. आतां मस्कान पत्रकारांक एक्सा वरवीं पयशे दिवपाची खाशेली येवजण आंखल्या.
मस्कान पत्रकारांक एक्सचेर (ट्विटर) खबरो उजवाडावपाचो उलो मारला. ‘तुमी पत्रकार आसल्यार, बरोवपाक चड स्वातंत्र्य आनी चड उत्पन्न जाय जाल्यार थेट हे माचयेर खबरो उजवाडावच्यो’ अशें तांणी ट्विट केलां. विशेश म्हळ्यार मस्कान हाचे आदीं वापरप्यां कडल्यान ‘दर लेखाच्या आदाराचेर’ शुल्क घेतले अशें सांगिल्लें. म्हयन्याळ्या सबस्क्रिप्शनाक सायन अप करूंक ना जाल्यार तांकां चड फारीक करचें पडटले. हाचे वांगडाच हे माचयेर बरोवपी पत्रकारांकय पगार दितले. पत्रकारांक दिल्ल्या ह्या खाशेल्या येवजणे विशीं मस्कान अजून पुराय म्हायती दिवंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
