भांगरभूंय | प्रतिनिधी
चिंतन- 18
पणसाक वयल्यान कांटेच कांटे आसतात. हात लायल्यार तोंपतात, पूण एकदां ताचो गरो भितरल्यान काडून पळयल्यार तो इतलो गोड आसता, की हेर कितेंय याद जाना. तशेंच मनशांचेंय आसता- कोण दिसपाक सादो, कुरूप आसलो तरी ताच्या अंतस्कर्णांत जर मनीसपण, मोग, उदारपण आसा, जाल्यार तीच खरी सोबीतकाय थारता.
आयचो काळ भायले सोबितकायेक खूब म्हत्व दिता. सुंदर मुखामळ, सुटसुटीत आंगलोट, म्हारग कपडे, चकचकीत केंस– हें सगलें आमकां ‘मनीस बरो आसा’ असो फसवो भास निर्माण करता. पूण हीं सगलीं भायलीं आवरणां. खरें सौंदर्य जशें पणसात गोड गरो आसता, तशेंच मनशाच्या अंतस्कर्णांत आसता.
जॉन मेरी — “अग्ली डक्लिंग” ची खरी गजाल, काणी पळयात.
अमेरिकेंतल्या जॉर्जियात जल्मल्ली जॉआन मेरी (Joan Mary). ल्हानपणारुच एका अपघातांत ताचें मुखामळ लाशिल्लें. शस्त्रक्रिया जाल्यो, पूण चॅरो वाकडोतिकडोच जालो, कातीक खतां पडलीं. शाळेंतलीं भुरगीं ताका “द मॉन्स्टर” म्हणून चाळयताले. ताची आवय ताका सद्दां सांगताली- “लुक्स मॅटर फॉर अ डे, हार्ट मॅटर्स फॉर अ लायफ.”
लहानपणीच एका अपघातात तिच्या चेहऱ्याला भीषण भाजलं गेलं होतं. शस्त्रक्रिया झाल्या, पण चेहरा वाकडातिकडा झाला, त्वचेला व्रण पडले. शाळेतली मुलं तिला “द मॉन्स्टर” म्हणून चिडवत असत. तिची आई तिला रोज सांगायची — “लुक्स मॅटर फॉर अ डे, हार्ट मॅटर्स फॉर अ लाईफ.” ताणें तें मतींत दवरलें. शाळेंत चाळोवपी भुरग्यांक तें हांसून जाप दितालें, जे रडटाले तांकां आदार दितालें. मुखार तें शिक्षिका जालें- आनी तीच ‘भिरांकूळ दिसपी बाई’ शेंकड्यांनी भुरग्यांचे जिणेंत दिवो जाली. ताच्या विद्यार्थ्यां मदीं जायते जाण मुखार दोतोर, इंजिनियर, शिक्षक जाले आनी ती आयजूय तांचे यादींत एक सुंदर मनीस म्हूण जिती आसा.
एका भुरग्यान तिच्या वाडदिसा बरयिल्लें –
“तुमचें मुखामळ कशें आसा, हें आमी केन्ना पळोवंकूच ना. आमकां याद जाता तें फक्त तुमचें सुंदर काळीज.”
ही गजाल सांगता की दिसप कितेंय आसले, तरी भितरलें अंतस्करण सुंदर आसा जाल्यार तोच खरो गोड पणस- जाच्या कांट्यांक मनीस विसरून वतात आनी ताचे गोडयेक सलाम करतात.
तुकोबा म्हणटात —
वरी कांटे फणसफळा ।
माजि अंतरीं जिव्हाळा ॥
आमकांय जाय तें अशेंच – भायल्यान कितेंय आसूं, पूण भितरल्यान मात गोड, मोगाळ, उदार मन! आयज सावन स्वताचें अंतस्कर्ण सुंदर दवरपाचो निर्धार करुंया. मनशांक तांच्या दिसण्या वयल्यान न्हय, तर तांच्या अंतस्कर्णा वयल्यान मेजुया.
मन गोड दवरात — आनी संवसारुय गोड करात!
– ह भ प देवदत्त दिगंबर परुळेकर
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
