भांगरभूंय | प्रतिनिधी
जीएमसींत दाखल, 200 रुपयांक लागून किल्लोस
भांगरभूंय | प्रतिनिधी
पणजी : पणजे बसस्टॅण्डा लागीं रेंट अ बायकच्या भाड्या वयल्यान वाद जावन मारबडय जावन हैदराबादचो एक पर्यटक जखमी जावपाचो प्रकार घडलो. हैदराबाद सावन आयिल्ल्या जोडप्यान रेंट अ बायक (दुचाकी) भाड्यान घेतिल्ली. ती परत करपाक गेल्ले तेन्ना तांचे कडेन आनीक 200 रुपया मागले. गाडी वेळार हाडल्या, तेन्ना आनीक कसले पयशे काय म्हूण तांणी प्रस्न केलो.
वाद जावन प्रकरण चडार पडलें. तितल्यार प्रकरण हात उखलपा मेरेन गेलें. थंयचे कांय जाण हातूंत मेतेर जाले, तांणी पर्यटकाक बडयलो. ताचे तकलेक बरोच मार लागला. जीएमसींत ताचेर उपचार सुरू आसात. तो पर्यटक हैदराबादांतल्या कॉग्रेसीचो फुडारी म्हूण सुत्रां सांगतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
