भांगरभूंय | प्रतिनिधी
पणजीः शार उदरगत खात्यान पणजी म्हानगरपालिकेच्या वेंचणुके खातीर पणजे शारांचो प्रभाग फेररचणूक मसुदो जारी केला. खात्यान हे मसूद्यात सुदारणा करपा खातीर सुचोवण्यो मागयल्यात.
शार उदरगत खात्यान बुधवारा परिपत्रक उजवाडाक हाडून
पणजी म्हानगरपालिकेच्या 30 प्रभागांचो फेररचवणुक मसुदो उजवाडायला.खात्यान जारी केल्ले भौशीक सुचोवणे प्रमाण फुडल्या वेंचणुके खातीर शाराची संख्या आनी शिमो हांचे विशीं तपशील ह्या मसुद्यांत दिल्ले आसात.
हो मसुदो 21 जानेवारी ते 29 जानेवारी 2026 मेरेन, आयतार आनी भौशीक सुटी सोडून हेर सगळ्या कामाच्या दिसांनी, कार्यालयीन वेळार मामलेदार, तिसवाडीच्या कार्यालयांत तशेंच पणजी म्हापालीका कार्यालयांत भौशीक तपासणे खातीर उक्तो उरतलो. ह्या काळांत नागरिकांक मर्यादेच्या मसुद्या संबंदीत आपल्यो सुचोवण्यो, बदल वा दुरुस्त्यो सादर करपाक आपयल्यात. मामलेदार, तिसवाडी, पणजे हांगा सुचवण्यो करू येता अशें पणजेच्या शार उदरगत खात्याच्या जारी केल्ले परिपत्रकात म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
