भांगरभूंय | प्रतिनिधी
पणजी: फाटल्या सप्तकाचे तुळेन सोमारा पणजे बाजारांत टमाटाचे दर 10 रुपयांनी उणें जावन 50 रुपया कील जालें. नाल्लाचे दर मात अजूनय म्हारगूच आसात. बाजारांत नाल्ल आकारा प्रमाण 40 ते 70 रुपयान एक आशिल्लो. हेर भाज्ज्यांनी किरकोळ वाड जाली.
बटाट्याची दर 10 रुपयांनी वाडून 50 रुपया कील जाली. ढब्बू मिरसांगेची दर 20 रुपयांनी वाडून 100 रुपया जाली. शेवग्याची दर 20 रुपयांनी वाडून 140 रुपया जाली.
घोंसाळीं, चिटकी मिटकी, कारातें 20 रुपयांनी दर वाडून दरेकी 80 रुपया कील जाली. फ्लॉवर आनी कोबी वळेरेन 40 आनी 30 रुपया आशिल्लें. भेंडो आनी वांयगें 10 रुपयांनी वाडून 70 रुपया कील जालें. कांदो 40 रुपया कील आशिल्लो. मेथी 25 रु. शेपू 20 रु. चुडी आशिल्ली. पालक 10 रु., तांबडी भाजयेची एक चुडी 15 रुपया. जाल्यार कोथंबीर 25 रु. चुडी आशिल्ली.
बाजारांत गाजर आनी बीट हांची दर दरेकी 80 रुपया कील आशिल्ली. जाल्यार लिंबू 10 रुपयांक तीन मेळटाले. आलें 200 ते 240 रुपया. लसूण दर्जा प्रमाण 300 ते 400 रुपया कील आशिल्ली. मटार 160 रुपया कील आशिल्लें. सोमारा फलोत्पादन मंडळाच्या गाड्यांचेर भेंडो 42 रु., कोबी 22 रु.,फ्लॉवर 31 रु. एक नग, गाजर 47 रु., वालपापडी 47 रु., मिरसांग 60, कांदो 28 रु., बटाट 30 रु. जाल्यार टमाट 46 रुपया कील आशिल्लें.
चिबूड 100 ते 250 रुपया नग
बाजारांत चिबूड आयलां आनी ताचें मोल आकारा प्रमाण 100 ते 250 रुपया आसा. निरपणस 150 ते 300 रुपयाक विकताले. मोटो भेंडो 100 रुपयांक स ते सात आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
