भांगरभूंय | प्रतिनिधी
पणजी : आयज पणजी बस स्टॅण्डार कदंब परिवहन महामंडळाचे इलॅक्ट्रीक बसीच्या ड्रायव्हराचें बसीवेल्यान नियंत्रण सुटलें. हातूंत बसीन पार्क केल्ल्या वाहनांक धपको दिल्ल्यान कांय वाहनांचें लुकसाण जालें. तशेंच बसींत आशिल्लीं दोेगां भुरगीं जखमी जाल्ल्यान तांकां उपचारा खातीर जिएमसींत व्हेलीं.
ह्या अपघाता विशीं प्रत्यक्षदर्शींनी दिल्ले म्हायती प्रमाण, बस स्टॅण्डा वटेन येतना कदंबा बस अचकीत आपल्या मार्गावेल्यान कुशीक पार्क केल्ल्या वाहनांचे दिकेन वचूंक लागली. उपरांत बसीचो धपको थंय पार्क केल्ल्या खुबश्या वाहनांचेर बसलो. हातूंत त्या वाहनांचें लुकसाण जालें. ह्या अपघाताचें नेमकें कारण आजूनय समजूंक ना. प्रशासन हे विशीं चवकशी करता.
तांत्रीक इबाड वा चालकाचे चुकीक लागून हो अपघात जाला आसतलो, असो अदमास उक्तायला. ज्या वाहन धनयांचें लुकसाण जालां ते भरपाये खातीर कदंब परिवाहन महामंडळा कडेन संपर्क करतात
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
