भांगरभूंय | प्रतिनिधी
पणजे: वडाळ, मडकय वाठारांतले आदर्श शिक्षक पुरस्कार फावो जाल्ले शिक्षक प्रा. नामदेव राजाराम नायक हांची मुलाखत बिरेस्तारा ९ तारखेर सांजेवेळार ७ वरांचेर गोंय दुरदर्शन केंद्रावेल्यान प्रक्षेपीत जातली.
प्रा. नामदेव नायक हे उत्कृश्ठ कलाकार आनी समाजसेवी व्यक्तीमत्व म्हण तांची वळख आसा.
ते एक शिक्षक, पेटी वादक, नाट्य कलाकार, लोककला अभ्यासक, पत्रकारिता, गोवा दुरदर्शन आनी आकाशवाणी मान्यताय आशिल्ले कलाकार. तशेंच सहकार मळार पालवी अध्यक्ष, शिक्षणीक संस्थेचे वेवस्थापक आनी संचालक. साईच्छालक्ष्मी आराधना आनी सम्राट क्लब, मडकय बांदोडेंचे अध्यक्ष म्हण ते फाटल्या ३५ वर्सां परस चड काळ जालो वावुरतात.
तांची प्रा. दिलीप धारगळकार हांणी तांची मुलाखत घेतल्या. पणजी दुरदर्शनाचे कार्यावळ अधिकारी राजेंद्र फडते हांणी निर्मिती केल्या. ही मुलाखत सगल्यांनी पळोवची अशी मागणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
