भांगरभूंय | प्रतिनिधी
पणजी जिमखानान पर्वरी इन्स्टिट्यूट ऑफ क्रिकेट (पीआयओसी) 14 वर्सां पिराये सकयली लॅदर बॉल क्रिकेट सर्त जिखली. धारबांदोडें पंचायतीच्या मैदानाचेर जाल्ले फायनलींत ताणें म्हापशेंच्या साई समर्थ पंगडाक 41 धांवड्यांनी हारयलो.
थोडे भितर धांवतकटोः पणजी जिमखाना, 20 ओव्हरींनी 6 बाद 194 धांवड्यो (पारस नायक 63, विशेश बेहल 50, वर्धन बेहल 22, शौनक नायक 17 धांवड्यो, माहीर मोगवीर 2-27, वेदांत शिरोडकार आनी यश नार्वेंकार दरेकी 1 विकेट) जैत आड साई समर्थ, 24.1 ओव्हरींनी 153 धांवड्यो (पार्थ मिशाळ 54, माहीर मोगवीर 26, अमीत गांवस आनी कुशल सातार्डेंकार दरेकी 15 धांवड्यो, मुबारक तडपत्री 3-29, अंक्श चेरियन 2-12, वर्धन बेहल 2-18).
हेर वैयक्तीक इनामांः पारस नायक (मॅचींतलो उत्कृश्ट खेळगडो आनी उत्कृश्ट बॅट्समन), पार्थ मिशाळ (मॅचींतलो फायटर), स्वनिक लोटलीकार (उत्कृश्ट बॉलर), उझेर शेख (उत्कृश्ट फिल्डर), वर्धन बेहल (मोलादीक खेळगडो).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
