भांगरभूंय | प्रतिनिधी
अमृतसर, खबरां संस्था: मिठाय करपी, मजूर, बस चालक आनी शेत मजूर, हे सगले जाण दिसभर कश्ट करून आपलें घर चलयताले. गांवूय लागींच आशिल्ले. १२ मेक ते सोरो पिले. घरा पावतांच छातयेंत जळपाक आनी दुखपाक लागलें. उलोवपाक जायना जालें आनी कितें समस्या आसा हें सांगपाकूय जायना जालें.
कुटुंबांतल्या वांगड्यांनी तांकां हॉस्पिटलांत व्हेले. मात वाटेरूच त्या सगल्यांनी एकेक करून निमाणो स्वास घेतलो. १२ मेक सकाळ सावन ते १३ मेचे सांजवगळा मेरेन वट्ट २३ जाणांक मरण आयलें. १० जाण आजूनय हॉस्पिटलांत आसात. मरण आयिल्ल्यां मदीं वर्सांचो एक तरणाटो, ते ८० वर्सांचो एक ज्येश्ठ नागरीक आसा.
मरण आयिल्ल्यां मदीं सोर्याची पुरवण केल्ल्या दोगांचो आसपाव आसा. ह्या सोर्याचें मोल ३५ ते ४० रुपया आसा. मरण आयिल्ल्यांनी पियेल्ल्या सोर्यांत मिथॅनोलचें प्रमाण चड आशिल्ल्याचो दोतोरांक दुबाव आसा. हाका लागून हो सोरो पियेल्ल्यांक मरण आयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
