भांगरभूंय | प्रतिनिधी
नवी दिल्ली, खबरां संस्था ः पाकिस्तान भारता आड सतत नवे कट रचता. भारतांतल्या पंजाब आनी जम्मू-काश्मीराचो नाश करपाचो हालींच रचिल्लो कट उक्ताडार आयला. जम्मू-काश्मीरांत परतून आतंकवादी वावर वाडोवपा खातीर पाकिस्तानान 7 देशांतल्या ड्रग्स तस्करांक एकठांय हाडून आपल्या एका ड्रग्स तस्कर हाजीसाब उर्फ भाईजान आनी ताचो वांगडी नबी बक्श हांचे वरवीं ड्रग्स सिंडिकेट तयार केला. ह्या सिंडिकेटांतल्यान भारतांत वेगवेगळ्या मार्गांतल्यान ड्रग्साची तस्करी सुरू आसा.
गुजरातांतल्या तस्करी प्रकरणाची चवकशी करतना एनआयएक कांय तथ्य गजाली सांपडल्यो. 2020 वर्सा पाकिस्तानाच्या दर्या मार्गांतल्यान 500 कोटी रुपयांचें हॅरोयन भारतांत आयल्ले. ते पंजाबांत धाडिल्ले आनी उपरांत तें देशांतल्या हेर राज्यांनी धाडलें. ते भायर अफगाणिस्तानांतल्यान 500 कोटी रुपयांचें हॅरोयन भारतांत धडिल्लें अशेंय गुप्तचर संस्थेक कळ्ळें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
