भांगरभूंय | प्रतिनिधी
मोहाली, खबरां संस्था: मोमोजचें नांव आयकलें काय जायत्या जाणांच्या तोंडांत उदक सुट्टा. हे मोमोज जायते फावट फॅक्टरींत तयार करतात. मात मोमोज मोगींक धक्को दिवपी एक खबर मुखार आयल्या. पंजाबच्या मोहालीच्या मतौरच्यान एक धक्को दिवपी प्रकार मुखार आयलो. मोमोज आनी स्प्रिंग रोल करपी एका कारखान्याचेर अधिकार्यांनी छापो घालो तेन्ना फॅक्टरीच्या फ्रिजांत सुण्याची कापिल्ली तकली मेळ्ळी. हाका लागून पंजाबांत बरोच बोवाळ निर्माण जाला.
नेमकें कितें घडलें?
मोमोज करपी फॅक्टरींत सामकें बुरशे तरेन मोमोज करताले. हे विशींचो एक व्हिडीओ सोशल मीडियावर व्हायरल जाला. ताची प्रशासनाच्या अधिकार्यांनी गंभीर दखल घेतली आनी छापो घालो. तेन्ना हे फॅक्टरींत घाणयारे पद्धतीन हे मोमोज केल्ल्याचें तांकां दिसलें. तशेंच मुखार चवकशी केली तेन्ना हे फॅक्टरीच्या फ्रिजांत सुण्याची तकली आनी हेर जनावरांचें मांस दिसून आयलें.
ह्या सगल्या प्रकाराची प्रशासनाच्या अधिकार्यांनी गंभीर दखल घेतली. हे फॅक्टरीची चवकशी करप सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
