भांगरभूंय | प्रतिनिधी
भांगरभूंय । प्रतिनिधी
पोरणे गोंयः आपल्या सान्तआंद्रें मतदारसंघात विरोधकां कडल्यान पंचायत वेंचणुके वेळार पयशे तशेंच गुंडांचो वापर जाल्ल्यान ही वेंचणूक दहशतीच्या वातावरणात जाली असो आरोप आमदार विरेश बोरकार हांणी केला. मतदार पयशांचे भकीक पडनास्तना गुंडगिरी करतल्याक बुद्द शिकयतले. विधासभा वेंचणुके वेळार आपल्याक आमदार म्हणून वेंचून दिवन लोकांनी तांका शिकयल्ली बुद्द ते विसरले जायत अशें तांणे म्हणलां.
रिव्होल्युशनरी गोवन्साचे उमेदवार आशिल्ल्या वॉर्डांनी पयशांचो वापर व्हडा प्रमाणात जाला. मात आमच्या उमेदवारांक मतदार वेंचून दितले असो म्हजो विस्वास आसा. लोक कितें जाय तें ज्युस्त करतात अशें बोरकार हांणी सांगलें. सत्तचे लालसेक लागून पयशे आनी गुंडांचो वापर वेंचणुके वेळार केला. पयश्यांच्या नेटार उठपी लोकां पसून मतदारसंघाक वाटावपाची सामकी गरज आसा अशेंय तांणी सांगलें.
एका प्रश्नाक जाप दितना आझोशी-मंडूर, भाटी आनी कुडका पंचायतींत आरजेचे उमेदवार वेंचून येतले. सिरदांव, गोवा व्हेल्हा आनी आगशी हांगा आरजेक लागून विरोधकांक सोपेपणान जैत मेळपाक शकचें ना. थंय चमत्कार जावपाक शकता अशें तांणी सांगलें.
मजगतीं. कुमारजुव्यांचो आमदार राजेश फळदेसाय हांणी मतदारसंघांतल्या सात पंचायतींनी आपल्या पॅनलांक जैत मेळटलें असो विस्वास उक्तायला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
