भांगरभूंय | प्रतिनिधी
हरमल : हरमल पंचक्रोशी शिक्षण मंडळाच्या पंचक्रोशी हायर सेकंडरी विभागाचो बारावेचे परीक्षेंत उत्कृश्ट निकाल लागलो. अंदूं निकाल 94.66 टक्के लागिल्ल्यान तांकां सगळ्या मळाचेर परबीं भेटयल्या. प्राचार्य गोविंदराज देसाय आनी अध्यापकांची तोखणाय जाता.
मजगतीं, गोंयांत शिक्षणीक विभागांत उत्कृश्ट काम करपी हरमल पंचक्रोशी शिक्षण संस्थेक ’ब्रँड ऑफ गोवा’ हो नामनेचो पुरस्कार मुख्यमंत्री डॉ. प्रमोद सावंत हांचे हस्तुकीं संस्थेचे अध्यक्ष तशेंच आदले मुख्यमंत्री लक्ष्मीकांत पार्सेकार हांणी हालींच स्विकारिल्लो.
हे संस्थेच्या हायर सेकंडरी विभागाच्या चारूय विभागांतल्यान 281 विद्यार्थ्या मदले 266 विध्यार्थी पास जाले. अंदूं विज्ञान फाट्यांत 100 मदले 97 पास जावन निकाल 97 टक्के लागलो. रितिका चिंचकार (82.67 टक्के) गूण घेवन पयलें आयलें. वाणिज्य फांट्यांत 62 मदले 61 विद्यार्थी पास जाले. निकाल 98 टक्के लागलो. दीक्षा नानोस्कार (89.83 टक्के) गुणांनी पयलें आयलें. कला फाट्यांत 69 मदले 69 विद्यार्थी पास जावन निकाल 100 टक्के लागलो. सेजल नायक (96.70 टक्के) पयलें आयलें आयलें. तशेंच वेवसायीक विभागांत 50 मदले 39 विध्यार्थी पास जावन निकाल 78 टक्के लागून माविन सौझा (88 टक्के) पयलो आयलो. वट्ट निकालांत विशेश श्रेणींत 65 विध्यार्थी, पयले 141 आनी दुसरे श्रेणींत 59 विध्यार्थी पास जालेे. विद्यालयाच्या ह्या येसांत अंदूं चलयो फुडें आसात.
अंदूंच्या येसा विशीं संस्थेचे चेअरमन प्रा. लक्ष्मीकांत पार्सेकार, वेवस्थापक तशेंच हायस्कुलची मुख्यध्यपिका स्मिता पार्सेकार, प्राचार्य प्रा. गोविंदराज देसाय आनी अध्यापक वर्ग, पालक शिक्षक संघाचे अध्यक्ष, पदाधिकारी आनी हेरांक परबीं भेटयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
