भांगरभूंय | प्रतिनिधी
भांगरभूंय । प्रतिनिधी
दिवचलः नेस्ले इंडिया कंपनी वतीन न्हावेली पंचायत वाठारांतल्या सरकारी विद्यालयाक विद्यार्थिनी खातीर विशेश टॉयलेटांची सुविधा मेळोवन दिल्या. कंपनीच्या सामाजीक जापसालदारी उपक्रमांतल्यान ही सुविधा दिल्ले खातीर सरपंच कालिदास गांवस हाणे कंपनीचे उपकार मानल्यात.
टॉयलेट ब्लॉक शाळेच्या सुवादीन करपाचे कार्यावळीक कंपनीचो अधिकारी मारियो फर्नांडीस, पालवी वेवस्थापक अतुल मळीक, प्राचार्य उत्कर्षा नायक, पालक- शिक्षक संघाचो अध्यक्ष चंद्रकांत गांवस हाजीर आशिल्ले. ह्या वेळार मारियो फर्नांडीस हांणी कंपनीच्या सामाजीक उपक्रमांची म्हायती दिली. विद्यार्थिनीची गरज वळखून तांचे खातीर टॉयलेट सेवा उपक्रम चालीक लायिल्ले खातीर उत्कर्षा नायकान कंपनीचे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
