भांगरभूंय | प्रतिनिधी
लडाख, खबरां संस्था ः लडाखांत व्हड अपघात जालो. लश्कराचो रणगाडो न्हंयेंत बुडून पांच जवान शहीद जाल्यात. न्हंय हुपपाचो सराव करतना उदक अचकीत वाडिल्ल्यान हो अपघात जालो.
चड म्हायती प्रमाण, लडाखांतल्या दौलत बेग ओल्डी वाठारांत प्रशिक्षण चालू आशिल्लें. हांगा लश्कराचे जायते रणगाडे हाजीर आशिल्ले. मध्यानरातीं ३ वरांचेर प्रत्यक्ष नियंत्रण रेशे लागसार टी-72 रणगाड्यान न्हंय कशी हुपची हाचेर सराव सुरू आशिल्लो. न्हंयेच्या उदकाची पातळी अचकीत वाडिल्ल्यान जवान आडकून पडले. हातूंत जेसीओ आनी चार जवान शहीद जाल्यात.
संरक्षण मंत्र्यान दुख्ख उक्तायलें
संरक्षण मंत्री राजनाथ सिंह हांणी लडाखांतले घडणुकी विशीं दुख्ख उक्तायलां. वीर सैनिकांची सेवा आमी केन्नाच विसरचे नात अशेंय सिंह हांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
