भांगरभूंय | प्रतिनिधी
वास्को: न्यू वाडो वाठारांत काल रातीं १.१५ वरांचेर सेंट अँथनी कपेलांत तोडफोड जाली. सकाळीं जेन्ना थळाव्यांनी कपेल उगडलें तेन्ना हो प्रकार समजलो.
थळाव्यांच्या मतां प्रमाण, कपेलाच्या सिसीटीव्ही फुटेजींत बुधवारा सुमार १.१५ वरांचेर एक मध्यम पिरायेचो दादलो कपेलाच्या वाठारांत बायलांचें अंडर वियर घालून भोंवतना दिसलो. ताणें फंडपेटी फोडून तातुंतले पयशे काडिल्ल्याचो आनी सेंट अँथनी मुर्तीचेंय बरेंच लुकसाण केल्ल्याचो अदमास आसा. त्या मनशाचे करणेक लागून ह्या वाठारांत तिडकीचें वातावरण निर्माण जालां.
ह्या प्रकरणाची कागाळ वास्को पुलिशेंत केल्या. पुलिसांनी घडणुके सुवातेर येवन तपासणी केली. तशेंच कपेलाची सिसीटीव्ही फुटेजूय तपासली. पुलिसांनी दुबावीताचो सोद घेवपाक सुरवात केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
