भांगरभूंय | प्रतिनिधी
एज प्रिंटर- आपल्या रुप्यां महोत्सवाच्या वर्सांत पावल घालतना एक म्हत्वाचो मार्गदर्शक फातर थारता, देखून आयचो दीस आनंदान भरिल्लो आसा. ह्या छापखान्याची स्थापणूक करपांत फादर जे. फ्रेडीन मुखेल भुमिका साकारली. त्या तेंपार फादर रोमी कोंकणी साहित्यांत ‘गुलाब’ नेमाळें उजवाडाक हाडटाले. सुरवेक हें नेमाळें सायक्लोस्टायल मशीनाचेर छापून, ताच्या सेमिनरींत पावयतालें. उपरांत ‘गुलाब’ कासा जे डी फर्नांडीस प्रेसांत छापतालो, फादर फ्रेडीन निमाणे पर्वरेच्या रोमियो आल्मेदाच्या घरा सेटअपाक सुरवात करून आपलो स्वताचो छापखानो स्थापन करपाचें थारायलें.
सुरवेक आल्मेदाच्या घरा काम सुरू जालें तरी ते जे. डी. फर्नांडीस अखंड समर्पण आनी आवड आशिल्ल्या फादर फ्रेडीन आपलें सपन स्थिरपणान पोसलें. उपरांत प्रेस सांताक्रुझांतल्या बर्नार्दो फर्नांडीसाच्या घरा स्थलांतरीत जालो आनी उपरांत वेर्णें उद्देगीक वसणुकेंत स्थलांतरीत जावन कायम स्वरूपी थंय रावपाचे दिकेन म्हत्वाचें पावल थारलें. वेर्णा नीव एज प्रिंटराचो बुन्यादी फांतर 26 जानेवारी 1998 दिसा, आदले उद्देग मंत्री लुर्ईझीन फालेरो आनी फादर आंतोनियो पेरेरान घालो.
दोन वर्सां मेहनत केल्या उपरांत 20 जुलय 2000 दिसा परतून एक फावट फादर आंतोनियो पेरेरा हांचे आशीर्वादान आनी आदले खासदार ऑस्कर फर्नांडीस हांचे हाजिरेंत इमारतीचें उक्तावण केलें. फादर फ्रेडीन गोंयच्या आर्चडायोसीसांत “न्यू एज प्रिंटर” भेट दिवचो अशी कल्पना केल्ली. पूण 17 मे 2004 दिसा ताका मरण आयलें. उपरांत ताच्या कुटुंबांचे वतीन फादर फ्रेडीचे उगडासाक गोंयच्या आर्चडायोसीजीक तो भेट दिलो. फादर आद्रयिओ फुर्तादो 23 जुलय 2005 दिसा वेवस्थापक म्हणून नेमणूक जाली. ताच्या कार्यक्षम फुडारपणा खाला प्रेसाक नवीं मशीनां आनी तंत्रज्ञानान अपग्रेड केलें. ताका सहाय्यक वेवस्थापकांनी कुशळटायेन आदार दिलो. सेबी वाझ, फादर. मारियानो सिल्वेरा, फादर लेस्ली रेगो, आनी फादर जॉर्ज रोटोस हांणी केला. तशेंच प्रेसाचे खातें वेवस्थापन करपाक पिलार सिस्टर्स हांणी मुखेल भुमिका साकारली. सुरवाती सावन प्रेसान सुमार 80 कामगारांक कामाक घेतले.
डायोसीजींतल्या जायत्या पाद्रींनी छापखान्याचेर मजत करून आदार दिला.
2022 वर्सा, हांवें (फादर मायरॉन बार्रेटो), “न्यू एज प्रिंटरां”चे नवे वेवस्थापक म्हणून काम घेतलें. सुरवेक फा. जॉवीयल फर्नांडीस म्हाका सहाय्यक वेवस्थापक म्हूण मदत केली. वेवस्थापक म्हूण म्हाका एक खोलायेन जापसालदारकेची भावना आनी फुडें व्हरपाची एक घटमूट वचनबद्धताय दिसता. ह्या वर्सा आमच्या रुप्याच्या महोत्सवाची परब मनोवप म्हाका खोस भोगता, आमच्या प्रवासाक लागून फळादीक परिणाम मेळ्ळ्यात हें जाणून. असंख्य अर्थपूर्ण कृती आनी म्हत्वाचीं बरपां छापपाचें भाग्य प्रेसाक मेळ्ळां. म्हाका खोशी जाल्या की गुलाब, जें प्रकाशन फादर हांणी स्थापन केल्लें तें आयज फुलत रावलां.
आमी आमच्या रुप्या महोत्सवाचो खोसदिणो खीण मनयतात आनी आशेन फुडारा कडेन पळयतना, ताच्या भरपूर आशिर्वादांक लागून देवा कडेन कृतज्ञताय उक्तायतात, आमच्या सगळ्या समर्थकांक काळजा सावन आभार अर्पण करतां. देवान तुमकां सगळ्यांक आशिर्वाद दिवचो, अशें मागतां.
फादर मायरॉन जेसन बार्रेटो
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
