भांगरभूंय | प्रतिनिधी
कुडचडें घेतिल्ले पत्रकार परिशदेंत प्रदीप कोकाडकार हांणी दिली म्हायती
केपें: नीट आनी जेईई हे परिक्षेंत भुरगीं फुडें उरचे खातीर न्यू एजुकेशनल इनस्टीट्युट कुडचडें ह्या विद्यालयांत कोन्टम एजुकेशनल सोलुशन विशाखापटनम्म् हांच्या सहकार्यान सवेचे यत्ते पसून निट आनी जेईई अभ्यासक्रम सुरु करता अशी म्हायती न्यू एजुकेशन इनस्टीट्युट हायस्कुलाचे अध्यक्ष सीए प्रदीप काकोडकार हांणी दिली.
कुडचडें हांगा घेतिल्ले पत्रकार परिशदेंत गिरिजा शंकर आचार्य, सूरज जोशी, सिध्दार्थ देसाय, सिदेश काकोडकार, साक्षी प्रभू, प्रसन्ना भेंडे आनी हेर हाजीर आशिल्ले.
धावी आनी बारावेचे परिक्षे परस चड म्हत्व नीट आनी जेईई परिक्षेक आयलां देखून
कोन्टम एज्युकेशन सोलुशन हांचे कडेन संपर्क करून हो अभ्यासक्रम हायस्कुुलांत सुरू करता.
धावेची परिक्षा सोंपल्या उपरांत अकरावी आनी बारावेच्या दोन वर्सांत हे परिक्षेचो अभ्यासक्रम शिकून परिक्षा दिवची लागता. हें भुरग्यांक कठीण पडटा. पूण दोन वर्सांनी हो अभ्यासक्रम पुराय जायना. म्हणून सवेक सावनूच हो अभ्यासक्रम सुरु करतां. हो अभ्यासक्रम न्यू एज्युकेशन इनस्टिट्यूटांत सांजेच्या वेळार घेतले. उण्यात उणी फी घेतले. तशेंच 25-30 भुरगीं जीं गरजू आसात तांची फी घेवचे ना. तीं जेईई आनी नीट परिक्षेंत फुडें सरतलें आनी बरे गूण मेळयतलीं, अशें प्रदीप काकोडकार हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
