न्यायाधीश संजीव खन्ना देशाचे 51 वे मुखेल न्यायाधीश
भांगरभूंय | प्रतिनिधी
नवी दिल्ली, खबरां संस्था ः न्या. संजीव खन्ना देशाचे 51 वे मुखेल न्यायाधीश जालें. राष्ट्रपती द्रौपदी मुर्मू हांचे हजेरींत सोमारा राष्ट्रपती भवनांत सोपूत सुवाळो जालो. सरन्यायाधीश डी. वाय. चंद्रचूड 10 नोव्हेंबराक निवृत्त जाले.
विशेश म्हळ्यार न्यायाधीश खन्ना हांचो कार्यकाळ फकत 6 म्हयन्यां खातीर आसतलो. 64 वर्सां पिरायेचे न्यायाधीश खन्ना 13 मे 2025 दिसा निवृत्त जातले. सर्वोच्च न्यायालयाचे न्यायाधीश म्हूण खन्ना हांणी 65 निर्णय बरयल्यात.
न्या. खन्ना थोड्या काळांत 5 व्हड खटल्यांची सुनावणी करतले. चंद्रचूड हांचो कार्यकाळ सुमार 2 वर्सांचो आशिल्लो. तांचे तुळेंत न्या. संजीव खन्नाचो कार्यकाळ उणो आसतलो.
ह्या काळांत न्यायाधीश खन्ना हांकां वैवाहिक बलात्कार प्रकरण, वेंचणूक आयोगाच्या वांगड्यांची नेमणूक प्रक्रिया, बिहारांतल्या जाती लोकसंख्येची वैधताय, सबबरीमाला प्रकरणाचो नियाळ, देशद्रोह प्रकरण अशा जायत्या व्हड खटल्यांची सुनावणी करपाक जाय.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
