भांगरभूंय | प्रतिनिधी
म्हजें मत
गोंयांत राजकी मळाचेर सध्या चलिल्लो गोंदळ, हेर घडामोडींक मुखार वतना, मनशान न्यायाचो मार्ग केन्नाच सोडपाक जायना. सत्याच्या मार्गार रावलों, निसुवार्थी सभाव तिगयलो जाल्यार बरे मनीस मजतीक येताच. पूण जो अन्याय करून मुखार वता, सुवार्थी आसा, ताचे मजतीक कोण येनात, ताचे स्वताचे मनीस पसून. हें फक्त तत्वज्ञानाचें वाक्य न्हय. तर जायत्या जाणांचो अणभव. नल- दमयंतीचो मोग खरो आशिल्लो. आडमेळीं येवन पसून तीं सत्याच्या मार्गार चल्लीं. अखेरेक एका हंसान तांकां मजत केली. रामाची बाजू सत्याची आशिल्ली. ताणें तत्व, विचारसरणी केन्ना सोडली ना. रावण चुकीच्या मार्गाचेर चलतालो. ताचो भाव बिभीषण पसून रामाक येवन मेळ्ळो. अखेरेक रावण हारलो.
ह्या उदाहरणां वयल्यान, दरेकल्यान सत्याची बाजू घेवंक जाय, सुवार्थ सोडूंक जाय, न्यायाच्या मार्गार चलूंक जाय, हें लक्षांत येता.
– गजानन बा. नायक भाटकार,
आल्त पर्वरी
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
