भांगरभूंय | प्रतिनिधी
नवी दिल्ली, खबरां संस्थ : ऑक्टोबर सोंपपाक फकत दोन दीस उरल्यात. ते उपरांत नोव्हेंबर सुरू जातलो. दर म्हयन्याचे सुरवातेक वा पयले तारखेक देशांत जायत्यो गजाली बदलतात. ह्या बदलांचो सरळ परिणाम सामान्य मनशाचेर आनी तांच्या बोल्साचेर जाता. १ नोव्हेंबर सावन कांय बदल जातले, जाचो परिणाम बोल्साचेर जातलो. नव्या म्हयन्याचे सुरवातेक जीएसटी ते लॅपटॉप आयात मेरेन जायते बदल घडपाचे आसात.
गॅस सिलिंडराचें मोल
दर म्हयन्याच्या पयल्या दिसा गॅस सिलिंडराचें दर बदलता. ह्या दिसा पुराय म्हयनो गॅस सिलिंडराचें दर थारायता. तेल कंपनींच्या म्हणण्या प्रमाण दर वाडूं येता वा सकयल वचूंक शकता. तशेंच दरांत बदल जावचो ना म्हळ्यार सद्याचें दर तिगोवन दवरतले.
जीएसटी संबंदी नेमांत बदल
राष्ट्रीय म्हायती केंद्राच्या म्हणण्या प्रमाण, १०० कोटी रुपया वा ताचे परस चड उलाढाल आशिल्ल्या वेवसायांक १ नोव्हेंबर सावन ३० दिसां भितर ई- चालन पोर्टलाचेर जीएसटी चालन अपलोड करचो पडटलो. जीएसटी प्राधिकरणान सप्टेंबरांत हो निर्णय घेतिल्लो.
आयात संबंदी निमाणी मुजत
एचएसएन ८७४१ वर्गा खाला लॅपटॉप, टॅबलेट, पर्सनल संगणक आनी हेर इलॅक्ट्रॉनीक वस्तू आयात करपाक सरकारान ३० ऑक्टोबर मेरेन सूट दिल्या. पूण १ नोव्हेंबर सावन कितें जातलें हाचे विशीं अजून अधिकृत घोशणा जावंक ना.
वेव्हार शुल्क
मुंबय स्टॉक एक्सचेंज म्हळ्यार बीएसईन २० ऑक्टोबराक जाहीर केल्ले प्रमाण १ नोव्हेंबर सावन इक्विटी डेरिव्हेटिव्ह विभागाचेर वेव्हार शुल्क वाडयतले. हे बदल एस अँड पी बीएसई सेन्सेक्स पर्यायांक लागू जातले. वेव्हाराचो वाडट्या खर्चाचो वेपार्यांचेर, खासा करून किरकोळ गुंतवणूक दरांचेर वायट परिणाम जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
