भांगरभूंय | प्रतिनिधी
पणजी: फुडल्या नोव्हेंबर म्हयन्या खातीर अंत्योदय अन्न येवजण रेशन कार्डधारकांक रेशन कार्डाफाटल्यान 35 किलो फोर्टिफायड तांदुळ फुकट दितले. प्राधान्यक्रम कुटुंबांक लावधारका फाटल्यान 5 किलो फोर्टिफायड तांदुळ फुकट दितले. एपीएल कार्डधारकांक 12.50 रूपया दरान प्रती कार्ड 12 किलो फोर्टिफायड तांदुळ आनी 10 रूपया दरान 10 किलो गंव दितले.
कल्याणकारी संस्था येवजण कार्डधारकांक फोर्टिफायड तांदुळ 6.15 रूपया किलो आनी गंव 4.80 रूपया किलो दरान वाट्टले.
येरादारी कंत्राटदारान धान्य कोटा 31 ऑक्टोबर मेरेन व्हरून सवाय धान्य दुकानदारांक दिवचे. रेशन कार्डधारकांनी आपलो रेशन कोटा संबंदीत सवाय धान्य दुकानातल्यान व्हरपाक जाय. धान्या विशीं कसलीय कागाळ आसल्यार रेशन कार्डधारकांनी संबंदीत मामलेदार वा नागरी पुरवण आनी गिरायक वेव्हार खात्या कडेन करची.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
