भांगरभूंय | प्रतिनिधी
नवी दिल्ली, खबरां संस्था ः नोव्हेंबर ते डिसेंबराच्या मध्याक भारतांत 35 लाख लग्नां जातली. तांचेर अदमास 4.25 लाख कोटी रुपया खर्च जातले. पीएल कॅपिटल-प्रभुदास लीलाधराच्या अहवालांत ही म्हायती दिल्या. ह्याच काळांत 2023 वर्सा 32 लाख लग्नां जाल्ली.
15 जानेवारी ते 15 जुलय काळांत भारतांत 42 लाखां वयर लग्नां
कॉन्फेडरेशन ऑफ ऑल इंडिया ट्रेडर्स (CAIT) च्या सर्वेक्षणाचो उल्लेख करून अहवालांत म्हणलां की, 15 जानेवारी ते 15 जुलय ह्या काळांत भारतांत 42 लाखां वयर लग्नां जाल्लीं, जातूंत अदमास 5.5 लाख कोटी रुपया खर्च जाल्लो. भारतांत लग्न आनी उत्सवा वेळार विमान कंपनी आनी हॉटेल बुकींग सारकिल्ल्या प्रीमियम वस्तू आनी सेवांचेर चड पयशे खर्च जातात.
भारतांतलीं 25 मुखेल सुवाती लग्नाचीं थळां म्हूण वळखतलें
भारतांतलीं 25 मुखेल सुवाती लग्नाचीं थळां म्हूण वळखून आंतरराष्ट्रीय लग्नां खातीर भारताक मुखेल पर्याय म्हूण प्रचार करपाची सरकाराची येवजण देशांतल्या विदेशी चलनाच्या येणावळीक वाड करतली अशें अहवालांत म्हणलां. देशभरांतलीं सुमार 25 मुखेल सुवाती वळखून हो उपक्रम सुरू करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
