भांगरभूंय | प्रतिनिधी
पांच राज्यांनी वेंचणूक जातकच जाग्याचें वांटप करचें : काँग्रेसीची मागणी
नवी दिल्ली, खबरां संस्था ः इंडियन नॅशनल डेव्हलपमेंटल इन्क्लुझिव्ह अलायन्स (इंडिया) ह्या विरोधी आघाडीच्या लोकसभेचीं सुवाती वाटपा संबंदी एक नवी खबर आयल्या. सूत्रांनी दिल्ले म्हायती प्रमाण, हैदराबादांत जाल्ले दोन दिसांचे काँग्रेसीचे कार्यकारी बसकेंत कांय फुडाऱ्यांनी ‘इंडिया’ तले जागेचें वाटप नोव्हेंबर मेरेन फुडें धुकलपाची मागणी केल्या. 5 राज्यांची विधानसभा वेंचणूक जाले उपरांतच जाग्याचें वाटप करचें अशें ताचें मत. हे बसकेंत आदले केंद्रीय मंत्री अजय माखन, अलका लांबा आनी प्रतापसिंह बाजवां सयत दिल्ली-पंजाबांतल्या फुडाऱ्यांनी आम आदमी पक्षा आड उलोवप केलां.
केरळ- बंगालांत स्वतंत्र संघर्शाचो संकेत
सीपीआयएम विरोधी आघाडीच्या समन्वय समिती पासून पयस रावले. पॉलिट ब्युरोन ही म्हायती दिल्या. नीलोत्पल बसून म्हणलें, येचुरीन बेंगळुरूंचे बसके आदीं स्पश्टपणान सांगिल्लें की आमी केरळ आनी बंगालांत स्वतंत्रपणान वेंचणूक लढयतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
