भांगरभूंय | प्रतिनिधी
पणजी : अंदूं गोंयांत मॉन्सून मोसम तशेंच ऑक्टोबरांत सरासरी परस चड पावसाची नोंद जाली. गोंयांत नोव्हेंबरांत लेगीत सरासरी परस चड पावसाची शक्यताय आसा. हवामान खात्यान हालींच जारी केल्ल्या अदमासांतल्यान ही म्हायती मेळ्ळ्या. नोव्हेंबरांत गोंयांतलें चडांत चड तापमान सरासरी परस उणें जाल्यार उण्यांत उणें तापमान सरासरी लेगीत चड आसपाची शक्यताय आसा.
शेनवारा गोंयांत तुरळक पावसाची नोंद जाली. हवामान खात्यान 2 ते 7 नोव्हेंबर ह्या काळांत किरकोळ पावसाची शक्यताय उक्तायल्या. ह्या स दिसां खातीर पावसाचो कसलोच अलर्ट जारी करूंक ना.
शेनवारा पणजे चडांत चड 31.4 अंश आनी उण्यांत उणें 24.4 अंश सेल्सियस तापमानाची नोंद जाली. मुरगांवां चडांत चड तापमान 29.4 अंश आनी उण्यांत उणें 24.3 अंश सेल्सियस आशिल्लें.
फुडले स दीस गोंयांतलें चडांत चड तापमान 31 ते 32 अंश जाल्यार उण्यांत उणें तापमान 24 ते 25 अंश सेल्सियस मेरेन आसपाची शक्यताय आसा.
गोंयांत 24 वरांत सरासरी 1.53 इंच पावसाची नोंद जाली. हे मजगतीं, धारबांदोड्यां 2.60 इंच, पेडण्यां 1.94 इंच, दाबोळी 1.93 इंच जाल्यार फोंड्यां 1.77 इंच पावसाची नोंद जाली. गोंयांत 1 ऑक्टोबर ते 1 नोव्हेंबर ह्या काळांत सरासरी 16.14 इंच पावसाची नोंद जल्या. हे मजगतीं पेडण्या 21.53 इंच, धारबांदोड्यां 20.93 इंच पावस पडला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
