भांगरभूंय | प्रतिनिधी
भांगरभूंय । प्रतिनिधी
पणजी: खेळ आनी युवा वेव्हार खात्याचो नोंव्हेंबर म्हयन्यांत गोंय विभागीय युवा महोत्सव जातलो. हातूंतल्या जैतिवंताक राज्य पांवड्या वयल्या महोत्सवांत वांटो घेवपाक मेळटलो. ते उपरांत राष्ट्रीय युवा महोत्सवांत वांटो घेवपी तरणाट्यांक वेंचून काडटले.
राज्यांतल्या तरणाट्यांच्या कलागुणांक वाव मेळचो आनी तांचे खातीर माची तयार करपा खातीर ह्या महोत्सवाचें आयोजन करतात. विभागीय सर्त पेडणे, साखळे, मडगांव आनी कुडचडे हांगा जातल्यो. तीन तालुक्यांचो एक विभाग केला. पेडणे, बार्देश आनी तिसवाडी तालुक्यां खातीर पेडणे हांगा शेतकरी को-ऑपरेटीव्ही सोसायटी सभाघर, दिवचल, सत्तरी आनी धारबांदोड्या खातीर साखळे रवींद्र भवन, सास्ट, मुरगांव आनी फोंडे तालुक्यां खातीर मडगांव रवींद्र भवन आनी काणकोण, केंपें आनी सांगें तालुक्यां खातीर कुडचडें रवींद्र भवनात सर्ती जातल्यो. युवा महोत्सव फोंडें हांगच्या राजीव कला मंदिरांत जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
