भांगरभूंय | प्रतिनिधी
पणजी: नैतिकताय हो न्याय आनी मुक्त समाजाचो, सुसंस्कृत समाजाची बुन्याद आसा. नैतिकता फक्त वैयक्तीक पांवड्यार नासची जाल्यार ती स्वातंत्र्याच्या संरक्षणा खातीरूय तितलीच म्हत्वाची आसा अशें उलोवप समाज कार्यकर्त्यो रफसिला खान हांणी केलें.
जमात ए इस्लामी हिंदच्या गोंय महिला विभागा वतीन, बायलांचे सुरक्षेची गंभीर समस्या आनी समाजांतल्या नैतीक मुल्यांची घसरण ह्या प्रस्नांचेर लोकजागृताय घडोवन हाडपा खातीर ‘नैतिकता हे स्वातंत्र्य’ हें घोशवाक्य घेवन हातांत घेतिल्ले मोहिमेचें झेड स्क्वेकर बँक्वेट सभाघरांत उक्तावण केलें, त्या वेळार खान उलयताल्यो.
ह्या वेळार लेखक तशेंच पर्यावरण कार्यकर्ते तल्लुलाह डिसिल्वा, समाज कार्यकर्त्यो प्रतिभा बोरकार, मिंडवीझ च्यो जोड संस्थापक शर्मीन खान हांणी मार्गदर्शन केलें.
डिसिल्वा हांणी सांगलें, मनीस बरे गूण घेवन जल्माक येता. ताणें आपले मदली बरी प्रवृत्ती सांबाळूंक जाय. जाका लागून समाजांत नैतीक मुल्यांचो सांबाळ जातलो.
शर्मीन खान हांणी हेर विशयांच्या बरोबरीन विद्यार्थ्यांक नैतीक शिक्षण दिवप गरजेचें आसा असो म्हत्वाचो सल्लो दिलो. आफरीन खान हांणी नैतीक सचोटीन जगांत एक बरें स्थान निर्माण करपा खातीर समाजीक वचनबद्ध जावपाची गरज उप्रासायली.
माचयेर संस्थेचे अध्यक्ष सिमरन शेख, सल्लागार मिनाज बानू, माध्यम संपर्क अधिकारी नजराना दरवेश हाजीर आशिल्ल्यो.
हिंदू धर्माची नैतिकतेचेर भर
हिंदू धर्मग्रांथांतलो दिश्टीकोन लक्षांत घेवंक जाय. खरो हिंदू धर्म नैतिकतेच्या अधिश्ठानाचेर उबो आसा. धर्मीक, जातीपातीचो दुस्वास कुशीक दवरून समाजांत नैतिकतेक म्हत्व दिवपी भारतीय संस्कृतीचें पुनरुज्जिवन जावप गरजेचें आसा अशें प्रतिभा बोरकार हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
