भांगरभूंय | प्रतिनिधी
पणजीः उत्तर गोंयच्या दर्यादेगांनी आवाज आनी वेळ मर्यादेचें उल्लंघन करून उसरां पार्ट्यो चलतात. लोकांक ह्या आवाज प्रदुशणांक लागून त्रास सोंसचे पडटात आनी हे विशीं कसलीच कारवाय जायना, असो आरोप विरोधी पक्ष फुडारी युरी आलेमांव हांणी केलो.
वागातोर, बागा, कळंगूट ह्या दर्यादेगे वाठारांतलीं हॉटेलांतल्यान, रेस्टॉरंण्टांतल्यान आनी क्लबांतल्यान जावपी आवाज प्रदुशणाक लागून थळाव्यांक त्रास सोंसचे पडटात अशी कागळा युरी आलेमांव हांणी शुन्य प्रहरा वेळार केली.
रातच्या वेळार आनी रातच्या एक वरां उपरांतय ह्या क्लबांतल्यान म्युझीक व्हड प्रमाणांत चालू आसता. जी आवाज मर्यादा गोंय प्रदुशण नियंत्रण मंडळान घालून दिल्या त्या मर्यादे भायर हें म्युझीक चालू आसता. उच्च न्यायालय आनी प्रदुशण नियंत्रणान मंडळान घालून दिल्ल्या निर्देशाचें हें उक्त्या प्रमाणांत उल्लंघन आसा. हे खातीर खर कारवाय करपा विशींचे निदेश पुलिसांक दिवचे अशी मागणी युरी आलेमांव हांणी केली.
हे विशीं जाप दितना मुख्यमंत्री डॉ. प्रमोद सावंत हांणी गृह खात्याक निदेश दिवन आवाज प्रदुशण करपी आस्थापनांचेर कारवाय करपाक लायतां अशें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
