भांगरभूंय | प्रतिनिधी
नवी दिल्ली, खबरां संस्था: तुमचे कडेन रेशन कार्ड आसा आनी तुमी सरकाराच्या फुकट रेशन येवजणेचो लाव घेतात जाल्यार ही खबर तुमकां खूब म्हत्वाची. रेशन कार्डा संबंदीचे नेम बदलत आसतात. देखून रेशन कार्डा संबंदीत नेम तुमकां खबर आसूंक जाय. कोरोना काळा सावन केंद्र सरकार कोट्यांनी रेशन कार्डधारकांक फुकट रेशन सुविधा दिता. हालीं सरकारान ‘फुकट रेशन येवजण’ची मुजत डिसेंबर २०२३ मेरेन वाडयल्या. हाचे वांगडाच सरकारान कार्डधारकां खातीर हालींच ऍडव्हायझरीय जारी केल्ली.
सरकारा कडल्यान कारवाय जावपाक शकता
फुकट रेशनाची सुविधा फकत सरकारी नेमांत बसपी पात्र रेशनधारकांक मेळटा. हाचे वरवीं सरकार अल्पसंख्यांक गटा मेरेन पावपाचो यत्न करता. मजगतीं, मोट्या प्रमाणांत अपात्र लोक फुकट तांदूळ आनी गंव हाचो फायदो घेतात हें सरकाराकूय लक्षांत आयलें. अपात्र रेशनकार्ड धारकांनी आपलें रेशनकार्ड सरेंडर करचें असो उलो सरकारान मारला. अपात्र लोकांनी फुकट रेशनाचो लाव घेतल्यार सरकार कारवाय करपाक शकता. ताका लागून सरकार वेळावेळार लोकांक आपलें रेशन कार्ड सरंडर करपाचें वा रद्द करचें असो उलो मारता.
मजगतीं, हे येवजणे खाला अपात्र आशिल्ले लोक कोण? ते कशे वळखप? जाणून घेवया.
नेम कितें सांगता?
तुमी रेशन कार्ड वेळार सरंडर करूंक ना जाल्यार अन्न खात्याचो पंगड तुमचें रेशन कार्ड रद्द करून तुमचे आड कारवाय करपाक शकता. अन्न खात्याच्या म्हणण्या प्रमाण रेशनकार्ड धारकांक स्वताच्या उत्पन्नांतल्यान प्लॉट/फ्लॅट वा १०० चौखण मिटर घर आसल्यार तो फुकट रेशन येवजणे खातीर अपात्र थारता. हाचे भायर टू व्हिलर/ गाडी/ ट्रॅक्टर, शस्त्रांचो परवानो, गांवांत २ लाख रुपया परस चड वर्सुकी उत्पन्न आनी शारांत ३ लाख रुपया आसल्यार मागीर अशा लोकांक तहसील वा डीएसओ ऑफिसांत रेशन कार्ड जमा करचें पडटा.
जर रेशन कार्ड धारकान कार्ड सरंडर करूंक ना जाल्यार अशा मनशाचें कार्ड सत्यापना उपरांत रद्द करतले. खरें म्हणल्यार एपीएल आनी बीपीएल रेशन कार्ड गांवगिर्या आनी शारांतल्या दोनूय वाठारांनी पुरायपणान गिरेस्त आशिल्ल्या लोकां खातीर तयार करतात. तशेंच जायत्या पात्र कुटुंबांचें रेशन कार्ड अजून तयार जावंक नाशिल्ल्याचें चवकशेंतल्यान स्पश्ट जालां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
