नेपाळाचे प्रधानमंत्री के पी शर्मा ओली हांचो राजिनामो
भांगरभूंय | प्रतिनिधी
हिंसक आंदोलनां चालूच
काठमांडू, खबरां संस्था: हिंसक आंदोलनांक लागून नेपाळांतली परिस्थिती इबाडत चल्ल्या. निदर्शकांनी संसद इमारतींत उजो लायलो. तशेंच प्रधानमंत्री ओली, राश्ट्रपती, गृहमंत्री हांच्या खाजगी घरांकूय उजो लायला. आदले प्रधानमंत्री पुष्पकमल दहल प्रचंड, शेर बहादूर देवबा आनी दळणवळण मंत्री पृथ्वी सुब्बा गुरुंग हांच्या घरांकूय आंदोलकांनी उजो लायलो.
काठमांडूंक अर्थमंत्र्यांच्या घरा मेरेन ताचो फाटलाव करून तांकां मारपेट केली. हाचो एक व्हिडियो व्हायरल जावपाक लागला. तातूंत एक निदर्शक ताचे छातयेर खोंट मारतना दिसता.
मजगतीं, प्रधानमंत्री के पी शर्मा ओली हांणी राजिनामो दिला. लश्करान तांकां हेलिकॉप्टरांतल्यान अनवळखी सुवातेर व्हेल्यात. आतां मेरेन ह्या हिंसाचारांत १९ जाणांक मरण आयलां, जाल्यार ४०० परस चड लोक जखमी जाल्यात
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
