भांगरभूंय | प्रतिनिधी
काठमांडू, खबरां संस्था ः पोखरा सावन काठमांडू मेरेन 43 प्रवाशांक घेवन वचपी भारतीय पर्यटकांची बस नेपाळांत न्हंयेंत कोसळ्ळी. आतां मेरेन 14 जाणांच्यो कुडी मेळ्ळ्यात.
मेळिल्ले म्हायती प्रमाण, शुक्रारा सकाळीं 11.30 वरांचेर तनाहून जिल्ह्यांत हो अपघात जालो. जिल्लो एसपी बीरेंद्र शाही हांणी सांगलें, मर्स्यांगडी अंबुखैरेनी लागसार ही बस न्हंयेंत कोसळ्ळी. थळावे पुलीस आनी बचाव पंगड घडणुक सुवातेर पावल्यात. तशेंच लश्करी आनी सशस्त्र दळांक खबर दिल्या. बचाव कार्य सुरु आसा. ह्या बसींत 43 प्रवासी आशिल्लें. तांतूतल्या आतां मेरेन 14 जाणांच्यो कुडी मेळ्ळ्यांत. हो आंकडो वाडपाची शक्यताय आसा.
मजगतीं, भारतीय दूतावासान मजती खातीर हेल्पलायन क्रमांक +977-9851107021 जाहीर केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
