भांगरभूंय | प्रतिनिधी
भितरले सगले खलाशी भारतीय, एकल्याक मरण
भांगरभूंय । खबरां संस्था
लंडन ः नेदरलँडच्या दर्यादेगेर उत्तर दर्यांत म्हाल व्हरपी बोटीक उजो लागलो. तांतूत एका भारतीय खलाश्याक मरण आयलें. ह्या अपघातांत 20 जाण जखमी जाल्यात. बोटीत ३ हजार गाडयो आशिल्ल्यो. जपानाचे बोट धनी शोई किसेन हांणी बोटीचेर आशिल्ले सगले 21 खलाशी भारतीय आशिल्ल्याचें सांगलें.
‘फर्मन्टाईल हायवे’ नांवाचें जहाज जर्मनींतल्यान इजिप्ताक वचपाचें आशिल्लें. ह्या बोटीवयल्यो सुमार 25 गाडयो इलेक्ट्रीक आशिल्ल्यो. ह्या इलेक्ट्रीक गाडयेंतल्या एका गाडयेक उजो लागलो आनी तो उजो बाकी गाडयांक पातळलो. फाटल्यां 16 वरां परस चड काळा सावन उजो पालोवपाचे यत्न चालू आसात. उजो पालोवपाक बोटींत उदक भरलें जाल्यार तें बुडूंक शकता. देखून ताका भायल्यान उदक मारुन उजो पालोवपाचे यत्न सुरु आसात. जायत्या खलाश्यांनी जिवाच्या भंयान उदकांत उडी मारली. तांकां सोडवपाक मजत बोटी आनी हेलिकॉप्टर वापरलें.
उजो लागपाच्या घडणुकांनी वाड…
कांय दिसां आदीं म्हाल व्हरपी बोटीक लागिल्लो उजो पालयतना न्यू जर्सींतले दोन उजो पालोवपी जवान उज्यांत सांपडिल्ले. ह्या अपघातांत आनीक 5 जाण जखमी जाल्ले. तशेंच ह्या बोटीत जायतीं वाहनां आशिल्लीं. पूण हातूंतली खंयचीच इलेक्ट्रीक कार नाशिल्ली. ताचे आदीं फेब्रुवारींतय पुर्तुगालाच्या अझोरेस जुंव्याचेर बोटीक उजो लागलो. हातूंत जायत्यो लक्झरी गाडयो नश्ट जाल्यो. तातूंतले कांय लिथियम आयन बॅटरी सयत इलेक्ट्रिक गाडयो आशिल्ल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
