भांगरभूंय | प्रतिनिधी
पेडणें : एके नेण्टे दलीत चलयेक मारपेट केल्ल्या प्रकरणांत पेडणें पुलिसांनी समीर कोरगांवकार हांचे आड गोंय बाल कायदो आनी एससी एसटी अत्याचार प्रतिबंधक कायद्या खाला गुन्यांव दाखल केला.
चलयेच्या पालकांनी पुलीस स्टेशनांत नोंद केल्ले कागाळी प्रमाण, नेण्टे चली लागींच्याच दुकानांत वतना समीर कोरगांवकारान तिका पळयत अपमान करपी शब्द वापरले. उपरांत अश्लील भास वापरून तिचो विनयभंग केलो. चलयेन विरोध केलो तेन्ना आरोपीन तिचें टीशर्ट पिंजून तिका मारपेट केली. तशेंच तिका जिवें मारपाची धमकी दिली. ह्या प्रकरणाचो तपास पुलीस उपअधीक्षकां कडेन दिला.
ट्रॉसिटी कायद्या खाला ३७ गुन्यांव नोंद
अनुसूचीत जाती आनी जमाती (अत्याचार प्रतिबंधक) कायद्या खाला गोंयांत २०१८ ते २०२२ ह्या पांच वर्सांच्या काळांत वट्ट ३७ गुन्यांव नोंद केले. हातूंत अनुसूचित जातींचेर अत्याचाराची २२ प्रकरणां आनी अनुसुचीत जमातींचेर अत्याचाराची १५ प्रकरणां नोंद जालीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
