भांगरभूंय | प्रतिनिधी
मुरगांव : नॅशनल फीश वर्कर्स फोरमाच्या सरचिटणीसपदार ओलेन्सियो सिमोस हांची दुसरे फावटी निवड केली. नॅशनल फीश वर्कर्स फोरमान महाराष्ट्रांतल्या अलिबाग वाठारांत महाराष्ट्र मच्छिमार कृती समितीन आयोजीत केल्ले तीन दिसांचे साबार बसकेचो समारोप जालो. तातू्ंत 9 राज्यां वांटेकार जाल्लीं.
ओलेन्सियो सिमोस हांची सरचिटणीस म्हणून दुसरे फावटी एकमतान निवड जाली. रामकृष्ण तांडेल हांची अध्यक्षपदार, जॅक्सन पोलेल हांची भांडारीपदार, के. अल्लाया, उस्मांगनी श्रेरासिया आनी सेसदामाई हांची उपाध्यक्षपदार तशेंच के. लक्ष्मी हांची पालवी सचीवपदार निवड जाली. गोंय, महाराष्ट्र, कर्नाटक, तामिळनाडू आनी केरळांत नवीं बंदरां बांदपाची येवजण आसा, अशें सरचिटणीस ओलेन्सिओ सिमोस हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
