भांगरभूंय | प्रतिनिधी
खेळां आनी युवा वेव्हार खात्यान आयोजीत केल्ले 14 वर्सां पिराये सकयले दक्षीण जिल्हो बॅडमिंटन सर्तींत वास्कोच्या नॅव्ही चिल्ड्रन स्कुलान चले आनी चलयांच्या गटांतलें वस्तादपण जोडलें.
नावेलीच्या मनोहर पर्रीकार इन्डोर स्टेडियमांत सर्तीचें आयोजन केल्लें. चल्यांच्या गटांत नॅव्ही चिल्ड्रन स्कुलान डॉ. हेडगेवार हायस्कुलाक 2-0 फरकान हारयलें. पयले गेमींत प्रतिकान अर्णवाक 25-23, 18-21 आनी 21-12 अशा फरकांनी हारयलो, जाल्यार दुसरे एकोडे मॅचींत अभिजितान विहाना आड 21-3, 21-0 अशें जैत जोडलें.
चलयांच्या गटांत नॅव्ही चिल्ड्रन स्कुलान विद्या विकास हायस्कुलाक 2-1 फरकान हारयलें. पयले मॅचींत ऋतिकान अंतराक 21-3 आनी 21-5 जाल्यार दुसरे मॅचींत विद्या विकासाच्या डिंपलान प्रणवीक 21-8 आनी 21-9 अशा गेमींनी हारयलें. दोट्टी गटांत ऋतिका आनी प्रणवी हे जोडयेन अंतरा आनी डिंपल हे जोडयेक 15-21, 21-11 आनी 21-15 अशा फरकान हारली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
