भांगरभूंय | प्रतिनिधी
भांगरभूंय । प्रतिनिधी
मुरगांवः प्रदेश राष्ट्रवादी काँग्रेस पक्षाचो अध्यक्ष आनी गोंय नुस्तेंमार बोट धनी संघटनेचो अध्यक्ष जुझे फिलीप डिसोझा हांणी संघटनेचे पदाधिकारी झेवियर डिसोझा, अबुबेकर डागी हांच्या वांगडा मुरगांव बंदर प्राधिकणाचो (एमपीए) डॉ एन विनोदकुमार हांची सदिच्छा भेट घेवन तांचे कडेन वास्कोंतले नुस्ते वेवसायीक आनी खारीवाडो जेटी विशीं चर्चा केली.
नुस्तें वेवसायिकांच्या बोटी खातीर सगळी सुविधा आशिल्लो नुस्तेमारी जेटी बांदून दिवपाची मागणी डिसोझा हांणी विनोदकुमार हांचे कडेन केली. नुस्तें वेवसायिकां कडेन आसात तातूंल्यो 70 टक्के बोटी लाकडाच्यो आनी बाकीच्यो लोखणी आसात. तांका जेटी नाशिल्ल्यान त्यो दर्यांत नांगरून दवोरच्यो पडटात हें ताणे एमपीए अध्यक्षाचे नदरेक हाडून दिलें. जेटीची वेवस्था करून दिवपाक फुडाकार घेवपाची विनवणी ताणी तांका केली.
डॉ विनोदकुमार हाणे मागण्याचो विचार करून फावो तो निर्णय घेवपाचें तशेंच नुस्ते वेवसायिकांक बऱ्या कामांत सहकार्य करपाचें उतर ह्या वेळार दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
