भांगरभूंय | प्रतिनिधी
मडगांव : नुवेंच्या सॅन्ड्रा गुदिन्हो हांच्या घरांत दिसा उजवाडा चोरी जाल्ली. हे चोरयेच्या प्रकरणांत दुबावीत अर्जुन गायकवाड (२१) हाका आनी एका दुबाविताक मायणा कुडटरी पुलिसांनी अटक केल्या. ह्यान पयलीं चोरांनी वापरिल्ली इनोव्हा गाडी आनी गाडीचालक दीपक मंडकी (रा. जालना) हाका औरंगाबाद महाराष्ट्रांतल्यान अटक केल्ली.
आयतारा, ११ जानेवारीक चोरांनी घरांत प्रवेश केलो. तांणी भांगरा वस्ती आनी हेर सामान धरून सुमार ३.१० लाखांचो माल चोरिल्लो. पुलिसांनी ह्या प्रकरणांत अनवळख्या आड गुन्यांव नोंद केल्लो. तपासा वेळार महाराष्ट्रांतली इनोव्हा गाडी सिसीटीव्ही कॅमेर्यांत दिसली. ते प्रमाण पुलिसांनी दीपक मंडकी हाका अटक केल्ली. तशेंच चोरये खातीर वापरिल्ली गाडीय जप्त केली. ह्या प्रकरणांत आनीक एका दबाविताक पुलिसांनी मुंबयच्यान अटक केली. अर्जुन गायकवाड अशें ताचें नांव. पुलीस निरीक्षक अरुण गांवस देसाय हांच्या मार्गदर्शना खाला उपनिरीक्षक गौरव नायक फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
