भांगरभूंय | प्रतिनिधी
मडगांव: नुवेंच्या सॅन्ड्रा गुदिन्हो हांच्या घरांत दिसा उजवाडा घरफोडी जाल्ल्याची घडणूक घडली. घरांतलीं इगर्जेंत गेल्ल्याची संद पळोवन चोरांनी भांगरा वस्ती आनी हेर गजाली मेळून सुमार ३.१० लाखांचें सामान फारायलें. मायणा-कुडटरेच्या पुलिसांनी गुन्यांव नोंद केला.
चड म्हायती प्रमाण, आयतारा सकाळीं सुमार ८ ते दनपरां १२ वरांचेर गुदिन्हो कुटूंब प्रार्थने खातीर इगर्जेंत गेल्लें. ह्या वेळार चोरांनी घराच्या मुखेल दाराचें कुलूप मोडून भितर प्रवेश केलो. आल्मारींतल्यो भांगराच्यो वस्ती आनी हेर सामान मेळून वट्ट ३ लाख १० हजारांचो माल फारायलो.
हें कुटूंब घरा पावतांच तांकां दार उक्तें दिसलें. उपरांत तांकां घरांत चोरी जाल्ल्याचें समजलें. हे घडणुकेची म्हायती मेळटांच मायणा-कुडतरी पुलिसांनी सुणे आनी ठशे तज्ञांचे मजतीन चोरांक सोदपाचो यत्न केलो. पुलीस उपनिरीक्षक गौरव नायक ह्या प्रकरणाचो फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
