भांगरभूंय | प्रतिनिधी
अखील गोंय रॅपीड बुद्दीबळ सर्तींत नीरज सारिपल्लीन वस्तादपण जोडलें. वट्ट आठ वर्सांनी स्पर्धात्मक बुद्दीबळांत पुनरागमन करपी कपिल पावसे उप वस्ताद थारलो. जाल्यार आर्यन रायकाराक तिसरी सुवात फावो जाली.
बायणा-वास्कोच्या शताब्दी सभाघरांत सर्त जाली. ”धी सेरियल्स” हाणें सेंटेनरी चेस क्लबाचे मजतीन सर्त घेतली. हातूंत 204 खेळड्यांनी वांटो घेतिल्लो. हातूंतले 75 खेळगडे मानांकीत आशिल्ले.
उप वस्ताद कपिलाचे आठ, जाल्यार आर्यनाचे साडेसात गूण जाले. अनिरुद्ध पार्सेंकार आनी अस्मिता रे हांकां वळेरेन चवथी आनी पांचवी सुवात मेळ्ळी. तांचे दरेकी साडेसात गूण जाले.
गुंजल चोपडेंकार, व्हिवान बाळ्ळीकार, स्वयम नायक, पार्थ साळवी, शिवांक कुंकळ्येकार, दिमित्री बेझस्त्राखोव, कनिष्क मोरजकार, तेजस शेट वेरेंकार, अनिकेत एक्का, एड्रिक वाझ हांकां वळेरेन सवी ती विसावी सुवात फावो जाली.
अनीश नायक सर्तीची संचालक, रिधिकेश वेर्णेंकार मुखेल आर्बिटर, सुधाकर पतगर उप आर्बिटर आशिल्ले. इनामां भेटवण सुवाळ्याक इंटरनॅशनल मास्टर नितीश बेलुरकार, गोंय बुद्दीबळ अस्थायी समितीचे निमंत्रक सचिन आरोलकार, मुरगांव तालुको बुद्दीबळ संघटनेचे सचीव मुकुंद कांबळी, भांडारी पुंडलीक नायक, विश्वास नायक, रमेश पाटील, सेंटनरी चेस क्लबाचे अध्यक्ष राजीव आरोंदेकार उपस्थीत आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
