नीरज सारिपल्लीक वस्तादपण

भांगरभूंय | प्रतिनिधी

नीरज सारिपल्लीन लेफ्टनंट कमांडर गोपाळ सखाराम सुखठणकार यादस्तीक उक्ती रॅपीड मानांकन बुद्दीबळ सर्त जिखली.

नीरज आनी मंदार लाड हांचे समान साडेआठ गूण जाल्ले. टायब्रेकर गुणांनी मंदाराक उपवस्तादपणाचेर समाधान मानचें पडलें. जाल्यार साईराज वेर्णेंकाराक तिसरी सुवात फावो जाली. नीरजान सेगीत दुसरें रॅपीड बुद्दीबळ वस्तादपण जोडलें. फाटल्या सप्तकांत बीपीएस मानांकन सर्त जिखिल्ली.

मुष्ठिफंड पालक-शिक्षक संघटने वतीन तिसवाडी तालुको बुद्दीबळ संघटना, गोंय बुद्दीबळ अस्थायी समिती, अखील भारतीय बुद्दीबळ म्हासंघ हाचे मान्यतायेन सर्त पणजीच्या इन्स्टिट्यूट मिनेझीस ब्रागांझा सभाघरांत जाली.

इनाम भेटवण सुवाळ्याक इन्स्टिट्यूट मिनेझीस ब्रागांझाचे अध्यक्ष दशरथ परब, तिसवाडी तालुको बुद्दीबळ संघटनेचे अध्यक्ष महेश कांदोळकार, गोंय बुद्दीबळ अस्थायी समितीचे अध्यक्ष ज्ञानेश्वर नायक, सर्तीचे मुख्य आर्बिटर अरविंद म्हामल, उप आर्बिटर दत्ताराम पिंगे, मुष्ठिफंड हायस्कुलाची मुख्यध्यापिका अपर्णा च्यारी, सर्त संचालक पल्लवी काकोडकार, गीतांजली किंवसारा, स्नेहा तामणकार, नंधिनी सारिपल्ली उपस्थीत आशिल्लीं.

जॉय काकोडकार, अनीश नायक, ऋषिकेश परब, अनिरुद्ध भट, व्हिवान बाळ्ळीकार, आर्यन रायकार, अथर्व नारायण, विश्वेश कोचरेकार, आरुष भट, आरव चोपडेंकार, अनीश नायक, लव्ह काकोडकार हांकां वळेरेन चवथी ते 15वी सुवात फावो जाली.

7 ते 15 वर्सां पिराये सकयल्या गटांत व्हिवान तारी, रिशीत गांवस, श्रेश्ठ घोणसेकार, अवनी सावयकार, त्रिशा पटेकार, शिनेल रॉड्रिग्स, जोशुआ तेलीस, शुभ बोरकार, आर्यव्रत नायक देसाय, दिया सावळ, स्कायला रॉड्रिग्स, रोचेल परेरा, ह्रदय मोरजकार, आरुष साळगांवकार, एथन सिल्वेरा, जेनिसा सिक्वेरा, वैष्णवी परब, साईजा देसाय, अनिकेत एक्का, अर्थ कारापूरकार, अली अमानत, श्री घोणसेकार, आर्या दुबळे, श्रीया पाटील, साईरुद्र नागवेंकार, आर्यन शिरोडकार, राघव लाड, अलाना आंद्राद, सानी गांवस, शुभ्रा आचार्य हांकां, वॅटरन्स गटांत पी एस नार्वेंकाराक, बायलांच्या गटांत अस्मिता रे, युवा खेळगड्यां मदीं मनस्वी नायक हिका, विदेशी खेळगड्या मदीं सोईन लारोस्लाव आनी शुरिना वासारेली हांकां, तशेंच मुष्ठिफंड हायस्कुलाच्या विद्यार्थ्यां मदीं श्रेयश हवाल, धर्मदित्य नायक, शार्विल शेडगे, सौरीश हळदणकार आनी सलीज धारगळकार हांकां इनामां फावो जालीं.