भांगरभूंय | प्रतिनिधी
भारताचो ‘गोल्डन बॉय’ नीरज चोपडान दोहांत जाल्ले डायमण्ड लिगेंत भालोफेकींतलें वस्तादपण राखलें. पयल्याच यत्नांत 88.67 मिटर लांब भालोफेक केलो.
सध्याचो वस्ताद नीरज चोपडान पयल्याच यत्नांत 88.67 मिटर भालोफेक करून ग्रेनाडाचो पिटर अॅण्डरसन आनी झेक प्रजासत्ताकाच्या व्हॅल्देच याकुब ह्या प्रतिस्पर्ध्यांक फाटीं दवरले. दुसऱ्या यत्नांत मात नीरजाचो भालो 86.04 मिटर इतलोच लांब गेलो. तरी पूण, तो पयलेच सुवातेर आशिल्लो. तिसऱ्या यत्नांत नीरजाचो भालो आनीक लागीं पडलो. ताका 85.47 मिटर मेरेन भालो मारपाक शक्य जालें.
दुसऱ्या यत्नांत याकुबान 88.63 मिटर भालोफेक करून नीरजाच्या लागसार पावलो. नीरजाचो चवथो यत्न फावल थारलो आनी पांचव्या यत्नांत 84.37 मिटर मेरेन भालो मारलो.
नेटान व्हांवपी वाऱ्याक लागून सगल्याच स्पर्धकांक आडखळ जाली. 90 मिटरा मेरेन भालोफेक करपाक नीरजाक आनीक कांय दीस वाट पळोवची पडटली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
