भांगरभूंय | प्रतिनिधी
87.66 मीटर भालो उडोवन ‘लॉसने डायमंड लीग’ खिताब जिखलो
नवी दिल्ली : भारतीय भालोफेक खेळगडो नीरज चोपडान परतून एक फावट इतिहास घडयलो. लॉसने डायमंड लीगांत ताणें 87.66 मीटर भालो फेकून पयलो क्रमांक मेळयलो.
ताचे आदीं दोहा डायमंड लीगांत नीरजान 88.67 मीटर भालो उडोवन पयलें स्थान मेळयलें.
नीरज चोपडान ह्या हंगामांत परतून आघाडेचेर आयला. 5 मे दिसा दोहा डायमंड लीग जाले उपरांत नीरजान हेर खंयचेच सर्तींत वांटो घेवंक नाशिल्लो. ह्या म्हयन्याचे सुरवेक दुखापत जाल्ल्यान एफबीके गेम्स आनी पावो नुरमी गेम्स ह्या दोनूय खेळांतल्यान तो भायर सरिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
